Пасля галасавання на мясцовых выбарах Аляксандр Лукашэнка расказаў журналістам, за каго галасаваў.
"У нас тайнае галасаванне, не гавораць, за каго. Але мушу вам намёк зрабіць: за дзеючага чалавека, які працуе і прыносіць карысць нашай дзяржаве. Гэта галоўны матыў для мяне як прэзідэнта, і іншага матыву, напэўна, быць не можа. Таму за актыўнага, дзеючага, працуючага чалавека", — цытуе БЕЛТА словы кіраўніка дзяржавы.
Як паведамлялася, Лукашэнка галасаваў на ўчастку №1 Вяснянскай выбарчай акругі №39 Цэнтральнага раёна Мінска. Журналістаў недзяржаўных СМІ на ўчастку не акрэдытавалі.