Аляксандр Лукашэнка на палях саміта ШАС у Бішкеку сустрэўся з Уладзімірам Пуціным, паведамляе прэс-служба беларускага кіраўніка. Сустрэча адбылася пасля афіцыйнай часткі саміту.
Лукашэнка запрасіў расійскага калегу наведаць II Еўрапейскія гульні, якія пройдуць у Мінску. Кіраўнікі дзяржаў абмеркавалі ўдзел расійскіх спартоўцаў у гэтым турніры.
Акрамя таго, Лукашэнка і Пуцін пацвердзілі ранейшыя дамоўленасці пра сустрэчу, на якой плануецца абмеркаваць беларуска-расійскую інтэграцыю.
Дарэчы, на 15 чэрвеня ў Маскве запланаванае пасяджэнне працоўнай групы па пытаннях беларуска-расійскай інтэграцыі.