Павел Латушка / Еўрарадыё
Беларусь будзе плаціць Украіне нейкую кампенсацыю за ўдзел у вайне толькі ў тым разе, калі гэта вызначыць трыбунал. Пра гэта ў сваім відэазвароце заявіў кіраўнік НАУ Павел Латушка.
"Пакуль ва ўладзе Лукашэнка, нават саму размову аб рэпарацыях, кантрыбуцыях або іншых формах кампенсацыі весці бессэнсоўна. Лукашэнка дакладна не будзе нічога кампенсаваць Украіне", — падкрэсліў ён.
Таксама, на думку Латушкі, не будзе ісці гаворка пра нейкія кампенсацыі, калі пасля Лукашэнкі ягоны рэжым захаваецца з нейкім беларускім ці расійскім пераемнікам.
"Размаўляць пра гэта можна толькі з цывілізаваным дэмакратычным урадам незалежнай Беларусі", — упэўнены палітык. Урад дэмакратычнай і незалежнай Беларусі, на яго думку, павінен на 100% прытрымлівацца міжнароднага права.
Пры гэтым Латушка дадае: "Каб права на кампенсацыі наступіла, неабходнае рашэнне міжнароднага трыбунала". Але, па яго словах, пытанне трыбунала пакуль што абмяркоўваецца значна менш, чым пытанне кампенсацый.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут