Чытаць болей: Медыкі абвяргаюць следчых: у крыві Бандарэнкі было 0 праміле этанолу
У Генпракуратуры сцвярджаюць, што супрацоўнік бальніцы дзейнічаў "наўмысна, без службовай неабходнасці" і "ўступіў у злачынную змову з прадстаўніком інтэрнэт-рэсурсу (tut.by), якому паведаміў звесткі пра вынікі медыцынскага асведчання Рамана Бандарэнкі". Такім чынам ён "разгалосіў урачэбную таямніцу". Больш таго, сцвярджаецца, што інфармацыя была недакладнай.
Падазраваныя ўжо затрыманыя. У Генпракуратуры лічаць, што іх дзеянні "пацягнулі за сабой цяжкія наступствы, якія выявіліся ў павышэнні напружанасці ў грамадстве, стварэнні атмасферы недаверу да кампетэнтных дзяржаўных органаў, падахвочванні грамадзян да агрэсіі і супрацьпраўных дзеянняў".
Як вядома, Следчы камітэт заявіў, што Раман Бандарэнка на "Плошчы перамен" быў "п'яны" (пасля пра гэта сказаў і Аляксандр Лукашэнка). Аднак у тэлеграм-канале "Белыя халаты" з'явіўся дыягназ Бандарэнкі, дзе напісана: "Этанол крыві 0%".
Раман Бандарэнка пасля затрымання трапіў у бальніцу з Цэнтральнага РУУС. Ён памёр. Справа Бандарэнкі набыла міжнародны розгалас.