Магутныя помпы трапілі на фота / t.me/yigal_levin/
Ізраіль можа затапіць сетку падземных тунэляў ХАМАС у сектары Газа марской вадой. Для гэтага яшчэ ў лістападзе на ўзбярэжжы Міжземнага мора была сабраная сістэма з пяці магутных помпаў. Аднак канчатковае рашэнне не прынятае, піша The Wall Street Journal.
Згаданыя магутныя помпы трапілі на фота, распаўсюджанае ізраільскай арміяй. Іх сабралі на поўначы сектара Газа ў раёне горада Газа, "зачыстка" якога ад тэрарыстаў працягваецца. Мяркуецца, што каб затапіць падземныя тунэлі, спатрэбіцца некалькі тыдняў.
"Бі-Бі-Сі" нагадвае, што ў 2015-м Егіпет выкарыстаў марскую ваду з Міжземнага мора, каб затапіць сетку падземных тунэляў на мяжы з сектарам Газа і спыніць кантрабандны гандаль. Аднак егіпецкім уладам не трэба было ўлічваць фактар закладнікаў, якіх тэрарысты працягваюць утрымліваць якраз у тунэлях.
У ЦАХАЛ кажуць, што ўжо знойдзена больш за 800 тунэльных шахтаў, з якіх 500 знішчылі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут