Міхаіл Бедункевіч / СТБ
Ад пачатку года ГУБАЗіК затрымаў 11 беларусаў, якія планавалі выехаць ва Украіну, каб абараняць яе. Такую лічбу назваў намеснік начальніка ГУБАЗіКа Міхаіл Бедункевіч у інтэрв'ю тэлеканалу СТБ.
"У бягучым годзе выяўлена 11 асоб, якія мелі намер выехаць ва Украіну, альбо транзітам праз іншыя краіны ва Украіну, для прыняцця ўдзелу ва ўзброеным канфлікце, у вайне", — заявіў ён.
Высвятляць такіх людзей, па словах Бедункевіча, удаецца праз аператыўную інфармацыю. Таксама, кажа ён, працуе разведка ў інтэрнэце.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут