У пятніцу, 20 верасня пачаліся матчы 22 тура чэмпіянату Беларусі па футболе сярод каманд вышэйшай лігі. “Гарадзея” на сваім полі прымала брэсцкае “Дынама” і саступіла з лікам 1:3. “Мінск” у той самы дзень прымаў мазырскую “Славію” і сціпла перамог — 1:0.
Сёння, 21 верасня, пройдуць наступныя матчы гэтага тура: “Слуцк” — “Тарпеда-БелАЗ”, “Шахцёр” — “Віцебск”, “Нёман” — “Дняпро”.
Скончыцца тур у нядзелю, калі пройдуць матчы “Энергетык-БДУ” — “Іслач”, “Гомель” — “Дынама” (Мінск). У матчы “Тарпеда” (Мінск) — БАТЭ будзе залічаны тэхнічны вынік — 0:3.