Восень, ілюстрацыйнае фота / pixabay.com
У сераду, 7 кастрычніка, у Беларусі прагназуецца пераменная воблачнасць, паведамляе Белгідрамет.
Будзе пераважна без ападкаў. Уначы і зранку ў асобных раёнах будзе згушчацца слабы туман. Вецер чакаецца заходні — ад слабога да ўмеранага.
Тэрмометры ўначы пакажуць 6-12 градусаў вышэй за нуль. Удзень прагназуецца ад +14 градусаў па поўначы да +22 градусаў па поўдні краіны.
У чацвер, 8 кастрычніка, уначы ў Беларусі будзе воблачна з праясненнямі, удзень чакаецца пераменная воблачнасць. Месцамі па краіне пройдуць невялікія кароткачасовыя дажджы. Вецер будзе паўднёвай чвэрці ўмераны, днём парывісты. Уначы тэрмометры пакажуць 4-11 градусаў цяпла, удзень прагназуецца ад +15 градусаў па поўначы да +25 градусаў па паўднёвым захадзе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут