Чытаць болей: Как победить зависимость от телефона — несколько простых шагов
За тры месяцы ў беларускай камандзе Патрыцыя Ламана забіла дзесяць галоў. Прычым чатыры з іх — у матчы з "Бабруйчанкай", які скончыўся перамогай "Мінска" з лікам 13:0. Дарэчы, пасля матча футбалістка расказвала, што перад гэтай гульнёй яна галадала не па сваёй волі: "Мне не давалі ежу ў той дзень. Мне давялося знаходзіць свае ўнутраныя рэзервы, каб гуляць на высокім узроўні. Нейкім чынам я змагла ў думках задзейнічаць вышэйшую фізічную сілу. Я малілася пра яе і ледзь не страціла прытомнасць".
За час, праведзены ў Беларусі, футбалістка паспела трапіць на экскурсію на Мінскі трактарны завод. У інстаграме яна падзялілася ўражаннямі: "Які незабыўны досвед. Разглядаю гэта як магчымасць даведацца, як быў зроблены першы ламбаргіні".
Дарэчы, канадка падпісала кантракт з "Мінскам" на год, але прабыла толькі тры месяцы. Магчыма, яе не задаволілі ўмовы. Як пісала "Трыбуна", дзяўчыне не дазволілі жыць на базе клуба, і ёй давялося арандаваць кватэру за ўласныя грошы. Банкаўскія карткі Ламаны ў Беларусі не працавалі, дый заробак 900 рублёў дзяўчыне плацілі не цалкам.
Цяпер у акаўнце футбалісткі замест чырвона-зялёнага сцяжка з'явіўся польскі, хаця назва новага клуба там не пазначаная.