Фрыстайлістка Аляксандра Раманоўская заваявала золата на XXIX зімовай Універсіядзе ў Краснаярску. Беларуска выканала трайное сальта і на дзевяць балаў адарвалася ад прадстаўніцы Расіі, амаль на амаль 21 —— ад спартсменкі з Казахстана.
"Трэнер прапаноўваў зрабіць двайное сальта, але вырашыла рызыкнуць і выступаць з патройным, — распавяла Раманоўская БЕЛТА. — Не ў маіх правілах ісці па шляху найменшага супраціўлення, часта рызыкую на схіле".
Аляксандры Раманоўскай 22 гады. У лютым сёлета яна бліскуча заваявала залаты медаль на чэмпіянаце свету ў ЗША.