Кіраўнік BYSOL Андрэй Стрыжак
Фонд салідарнасці BYSOL прайшоў аўдыт Назіральнай рады марафону "Нам не ўсё адно". Яго правяла дырэктарка партала "Зеркало" Аляксандра Пушкіна.
Фонд размеркаваў 100 000 еўра, атрыманыя ў рамках марафону салідарнасці для дапамогі палітзняволеным, сярод 200 палітвязняў і іх сем’яў — па 500 еўра на запыт.
Прадстаўніца Назіральнай рады марафону пацвердзіла, што ўсе грошы былі перададзеныя атрымальнікам: "Фонд падрыхтаваў дакументы, якія даказвалі, што грошы сапраўды былі дасланыя адрасатам. Таксама былі прадастаўленыя пацвярджэнні іх атрымання".
Раней праверку паспяхова прайшлі шэсць праваабарончых арганізацый-удзельніц марафону.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут