Раніцай 26 красавіка (у 6:41 і 6:46) дзве расійскія крылатыя ракеты праляцелі над Запарожскай АЭС у накірунку Запарожжа (там пасля былі зафіксаваны выбухі). Украінскі "Энергаатам" называе гэта "ядзерным тэрарызмам з боку Расіі". І ён узмацняецца.
"Пралёт ракет на нізкай вышыні непасрэдна над пляцоўкай ЗАЭС, дзе размешчана 7 ядзерных установак з вялікай колькасцю ядзернага матэрыялу, стварае велізарныя рызыкі, — гаворыцца ў заяве. — Бо ракеты могуць трапіць у адну або некалькі ядзерных установак, што пагражае ядзернай і радыяцыйнай катастрофай усяму свету".
Запарожская АЭС — найбуйнейшая ў Еўропе. Яна была захоплена расійскімі войскамі 4 сакавіка 2022-га і дагэтуль імі ўтрымліваецца. Але гэтая станцыя працягвае працаваць у энергасістэме Украіны.
Раней "Энергаатам" паведамляў, што 16 красавіка тры расійскія ракеты прайшлі над Паўднёва-Украінскай атамнай станцыяй (Мікалаеўская вобласць). Меркавалася, што яны былі запушчаны з тэрыторыі Беларусі. Гэтую акцыю назвалі "ядзерным тэрарызмам".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут