Расіяне атакавалі два аўтобусы ў Краматорску / Данецкая АВА
Не менш за 30 чалавек загінулі ў выніку расійскага ўдару па двух рэйсавых аўтобусах у Краматорску Данецкай вобласці. Пра гэта паведамляе hromadske са спасылкай на кіраўніцтва Данецкай вобласці.
Яшчэ 18 чалавек атрымалі траўмы.
Пасля абстрэлу мясцовыя ўлады вырашылі спыніць працу грамадскага транспарту ў Краматорску і Славянску.
У Данецкай абласной пракуратуры кажуць, што ўдар быў нанесены, верагодна, з дапамогай УМПБ Д-30 СН — гэта ўніфікаваны міжвідавы планерны боепрыпас калібру 30 сантыметраў.
Як відаць на фота з месца падзеяў, аўтобусы згарэлі дашчэнту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут