На восень перанесеныя два матчы БАТЭ з беларускімі клубамі, паведамляе прэс-служба барысаўскай каманды. Пераносы звязаныя з удзелам БАТЭ ў еўракубках.
Хатні паядынак 1/8 фіналу Кубка Беларусі з "Гарадзея" барысаўскія футбалісты правядуць 17 лістапада.
А матч 18-га тура чэмпіянату паміж БАТЭ і брэсцкім "Дынама" прызначаны на 31 кастрычніка.
Час пачатку гэтых гульняў будзе паведамлены дадаткова.