Дональд і Меланья Трамп нечакана наведалі Ірак. Дагэтуль амерыканскі прэзідэнт не прыязджаў у зону баявых дзеянняў. Яны прыляцелі на авіябазу Айн-аль-Асад у Іраку. Як вядома, у гэтай краіне застаецца каля 5 тысяч амерыканскіх вайскоўцаў, яны дапамагаюць іракскаму ўраду змагацца з рэшткамі тэрарыстычнай групоўкі "Ісламская дзяржава". Трамп павіншаваў салдат і афіцэраў з Раством. Ён заявіў, што з Ірака амерыканцы, у адрозненне ад Сірыі, сыходзіць не збіраюцца. Дональд Трамп сказаў, што "Ісламская дзяржава" разгромленая, але кантынгент у Іраку патрэбны на выпадак, калі "спатрэбіцца штосьці зрабіць у Сірыі".
Вяртаючыся ў Злучаныя Штаты, Дональд і Меланья Трамп наведалі амерыканскую базу Рамштайн у Германіі. Там таксама адбылася сустрэча з вайскоўцамі, некаторыя з якіх рабілі сэлфі з прэзідэнтам, бралі ў яго аўтографы.