Адзін з варыянтаў праекта / goszakupki.by
Для дзяржаўнай Белтэлерадыёкампаніі плануюць пабудаваць новы корпус. Узвесці яго мяркуецца на вуліцы Макаёнка.
На сайце дзяржзакупак было апублікаванае запрашэнне да ўдзелу ў конкурсе на выбар генеральнай праектнай арганізацыі для праектна-пошукавых работ. Яно з'явілася 15 кастрычніка, а ўжо 20 кастрычніка прыём работ завяршыўся.
Арыенціровачны кошт праектна-пошукавых работ складае 1,31 млн рублёў. Выканаць праектныя работы плануецца з 29 кастрычніка 2026 года па 31 траўня 2027 года. Фінансаваць іх будзе Белтэлерадыёкампанія.
У архітэктурна-планіровачнай канцэпцыі, падрыхтаванай інстытутам "Белдзяржпраект" у 2026 годзе, прадугледжваецца трохпавярховы будынак памерамі 59,5×74,7 м. З цяперашнім корпусам яго будзе злучаць пераходная галерэя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут