Чым вызначыліся "таленавітыя навукоўцы", якіх узнагародзіў Лукашэнка

Чытаць болей: “Паставяць у рэзідэнцыі” — навуковец пра магчымы лёс беларускага метэарыта

А яшчэ ён прапанаваў удасканаліць заканадаўства ў сферы аператыўна-вышуковых мерапрыемстваў.

Працы Мартынава ўкаранілі ў дзейнасць МУС і навучальны працэс.

Наватарства ў беларускай міліцыі — гэта нешта новенькае.

Вайфай-роўтар і псіхіка

Старшы навуковы супрацоўнік Інстытута радыябіялогіі НАН Беларусі Шчамялёў Уладзіслаў у 2024 годзе ставіў досведы на пацуках.

У прыватнасці, вывучаў негатыўнае ўздзеянне роўтараў (тыя самыя, якія перадаюць бесправадны інтэрнэт, вайфай) уплываюць на нервовую сістэму.

Атрыманыя вынікі былі апублікаваныя ў беларускіх і замежных навуковых часопісах, а навуковая значнасць пацвердзілася ўкараненнем у адукацыйны працэс Гомельскага медуніверсітэта.

Моладзевае лідарства

Васіль Дзямідчык адзначыўся распрацоўкай тэхналогіі па рэгуляванні дзейнасці грамадскіх тэхналогій у сістэме моладзевага лідарства.

Чытаць болей: Китайский "убийца ChatGPT" занимается пропагандой — вот примеры

Не зусім зразумела, пра што менавіта ідзе гаворка, але тэхналогія маладога выкладчыка з Акадэміі кіравання накіраваная на "павышэнне сацыяльнай кампетэнтнасці сучасных падлеткаў" і ўжо ўкаранёная ў адукацыйны працэс.

Фільтр для бульбы

Тэхналогію аўтаматычнага распазнавання няякаснай бульбы на канвееры распрацаваў Максім Курыловіч — навуковы супрацоўнік НАН па механізацыі сельскай гаспадаркі.

Дзякуючы вынаходцы Максіма цяпер са стужкі можна выдаляць да 98% няякаснай або сапсаванай бульбы.

Прылада яшчэ не вынайдзеная, але на яго ўжо атрымана два патэнты.

Фільтру для бульбы лайк?

"Фунцік", "Салдат" і "Біткоін"

Ярота Андрэй, навуковы супрацоўнік Акадэміі навук па земляробстве, "зрабіў важкі ўнёсак у стварэнне многіх гатункаў азімага ячменю". Многія з іх ўнеслі ў Дзяржаўны рэестр гатункаў і абаранілі патэнтамі.

Усё б нічога ў гэтай узнагародзе, але выклікаюць ўсмешку назвы гатункаў. Ярота датычны да стварэння такіх відаў ячменю, як "Фунцік", "Дэлегат", "Дэпутат", "Спікер", "Салдат", "Подзвіг", "Біткоін", "Блогер", "Брокер", "Рыдар" і "Рэвіт".

Навуковая значнасць працы была афіцыйна даказаная.

Гэта далёка не ўвесь спіс навукоўцаў, якіх узнагародзіў або плануе ўзнагародзіць Лукашэнка. Многія з іх і праўда зрабілі або плануюць зрабіць важныя навуковыя адкрыцці для Беларусі.

Але ёсць і тыя, каму, здаецца, бюджэтныя грошы дастануцца дарма.