Ізраільскія вайскоўцы ў сектары Газа / twitter.com/idfonline
ЦАХАЛ ужо кантралюе большую частку горада Газа і прасоўваецца на поўдні сектара. Адначасова ізраільцяне працягваюць наносіць кропкавыя ўдары па аб'ектах ХАМАС і знішчаць падземныя тунэлі. Па-ранейшаму тэрарысты арганізуюць засады, з'яўляючыся з руін і з падзямелляў. ЦАХАЛ пасля ліквідацыі ўзброенай групы знішчае і ўваход у падземны тунэль, з якога яна выходзіла. Ізраільцяне працягваюць паведамляць пра знойдзеныя склады зброі і боепрыпасаў ХАМАС.
Тэрарысты спрабуюць запускаць ракеты па Ізраілі. ЦАХАЛ сцвярджае, што пускавыя ўстаноўкі былі каля намётаў уцекачоў і аб'ектаў ААН на поўдні сектара Газа.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут