Бразільская гандбалістка, якая будзе гуляць за “Гомель”, у шоку ад беларусаў. Сваімі ўражаннямі яна падзялілася ў інтэрв’ю прэс-службе гандбольнага клуба. Каралін Дыяс Мінта кажа, што яе здзівіў не толькі клімат, але і людзі: “Калі я прызямлілася ў Беларусі і прайшлася па аэрапорце, была ў шоку: усе людзі з такімі сур’ёзнымі тварамі, нейкія задуменныя, ніхто не ўсміхаецца. У Бразіліі, калі ты ідзеш па вуліцы, усміхаешся мінаку, табе абавязкова ўсміхнуцца ў адказ і не падумаюць, што ты вар’ятка”.
Каралін Дыяс Мінта цяпер аднаўляе веды англійскай мовы, якую вучыла ў школе, спрабуе вучыць рускую. А яшчэ яна дазваляе сабе часам нецэнзурна лаяцца па-партугальску. “Усё роўна ніхто не разумее”, — кажа спартсменка-прыгажуня.