Будоўля / Reform.by
Няшчасны выпадак здарыўся ў канцы 2024 года. Падчас выканання работ мужчына ўпаў з вышыні каля 5 метраў на металічную арматуру ад перыльнай агароджы і атрымаў цяжкія траўмы.
Яго даставілі ў лякарню. Пасля пацярпелы доўга лячыўся, перанёс аперацыю.
Яму прысвоілі другую групу інваліднасці са стратай працаздольнасці ў памеры 80% і прызнаннем у неабходнасці пастаяннай медыцынскай дапамогі.
Пасля няшчаснага выпадку на прадпрыемстве мужчыне аказалі матэрыяльную дапамогу памерам 1500 рублёў.
Згодна з актам аб няшчасным выпадку, пацярпелы быў дапушчаны да выканання работ не па спецыяльнасці без правядзення інструктажу і праверкі ведаў на ахову працы.
Вінаватымі прызналі начальніка ўчастка, які не забяспечыў належны кантроль за выкананнем вытворча-тэхналагічнай і выканальніцкай дысцыпліны, і машыніста аўтамабільнага крана.
Вывучыўшы ўсе матэрыялы справы, наступствы здарэння суд пастанавіў спагнаць з арганізацыі на карысць пацярпелага 48,5 тыс. рублёў кампенсацыі маральнай шкоды.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут