Затрыманы за каментары мужчына / тг-канал сілавікоў
Сілавікі затрымалі мужчыну за каментары пад навіной пра магілёўца, які з нажом абараняўся ад аператыўнікаў ГУБАЗіКа. Затрымліваць яго прыехалі каля дзесяці сілавікоў.
Відэа з затрыманым з'явілася ў тг-канале сілавікоў.
На роліку мужчына пад ціскам кажа, што ўдзельнічае ў "экстрэмісцкіх" чатах і пакідае там каментары.
Здарэнне ў Магілёве адбылося 23 верасня. Згодна з афіцыйнай версіяй аператыўнікі ГУБАЗіКа апазналі на вуліцы "экстрэміста" і падышлі да яго, каб правесці прафілактычную гутарку, а той напаў на іх з нажом, параніўшы двух чалавек. На відэа было бачна, што параненыя людзі апранутыя не ў форму, а ў цывільную вопратку. Іх шпіталізавалі.
Затрыманага за напад магілёўца завуць Аляксандр Кандрычын. Следам за ім затрымалі ягонага сябра, у якога нібыта знайшлі агнястрэльную і халодную зброю, рэчывы для вырабу выбухоўкі ды інш.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут