Патэнцыйны кандыдат у прэзідэнты Беларусі Віктар Бабарыка ў інтэрв'ю TUT.by заявіў, што ён выступае за пакаранне тых людзей ад улады, хто сёння можа парушаць закон. "Тыя, хто цяпер будзе парушаць закон, і 9 жніўня, калі народ абярэ іншую ўладу, у аснове якой будзе ляжаць выкананне закона, то... тым, хто парушаў, выставяць абвінавачанне", — кажа палітык.
"Ніякіх люстрацый, ніякай помсты! — працягвае Бабарыка. — Але крымінальнае злачынства — гэта злачынства, якое павінна быць пакаранае... Напрыклад, фабрыкацыя [крымінальных] спраў — гэта злачынства. А злачынцы мусяць быць пакараны".
Віктар Бабарыка кажа, што ў яго і яго сям'і няма "грахоў", з-за якіх маглі б узнікнуць праблемы з законам. "Уся праблема, і гэта будзе самы вялікі цынізм, [грахі] могуць не знайсці, а прыдумаць", — кажа палітык. Але ён лічыць, што два месяцы, якія засталіся да прэзідэнцкіх выбараў, гэта мала, каб нават сфабрыкаваць справу і адправіць яе ў суд. Таму ён з аптымізмам глядзіць у будучыню.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.