18 снежня "Арт Сядзіба" святкуе свой восьмы дзень народзінаў. Ну і адначасова, калі ўжо так супала, — Новы год і Каляды. Святкаваць "сядзібаўцы" вырашылі не карпаратывам з банкетам для сваіх, а святочным фэстам для ўсіх у клубе BRUGGE. На сцэну весяліць публіку выйдуць гурты ZRABI, MANDZIK, Love Machine i Luty Sakavik. Больш за тое, "Арт Сядзіба" ўзнагародзіць людзей і ініцыятывы, якія ўразілі сваёй беларускамоўнасцю, прынцыповасцю ды моцай у 2019 годзе.
Ці ёсць чым пахваліцца "Арт Сядзібе" — чаго дасягнулі за 8 гадоў працы? Ці атрымалася дасягнуць пастаўленых адпачатку мэт? Што ў планах?
На гэтыя ды іншыя пытанні ў жывым эфіры Еўрарадыё адказваюць кіраўнік "Арт Сядзібы" Алесь Снег і менеджар праектаў Уладзіслаў Лепяшынскі.