У расійскіх СМІ са спасылкай на Twitter міністра культуры Францыі паведамляецца пра смерць беларускай пісьменніцы Святланы Алексіевіч.
Навіну адразу ж падхапілі расійскія СМІ. Яны не звярнулі ўвагі на тое, што твітар, у якім з'явілася жахлівая навіна, створаны ў траўні 2017 года, і ў ім усяго пяць твітаў.
Еўрарадыё дазванілася да пісьменніцы, якая знаходзіцца ў Сеуле.
“Я жывая, зараз у Сеуле. Відаць, гэта нехта так няўдала пажартаваў”, ― адказала Святлана Алексіевіч на навіну.
Праз некалькі хвілінаў у "твітары міністра" з'явілася паведамленне: "This account is hoax created by Italian journalist Tommasso Debenedetti". Акаўнт фэйкавы, яго стварыў італьянскі журналіст Тамаса Дэбенедэці.