БЧБ-упрыгожанні ў акне / Ілюстрацыйнае фота
59-гадовую мінскую пенсіянерку Наталлю Хоміч асудзілі на 15 сутак за бел-чырвона-белыя сэрцы ў акне. Сілавікі прыйшлі ў кватэру Хоміч раніцай 23 чэрвеня. Нагодай для візіту сталі тры рознакаляровыя сэрцы.
Як піша не зарэгістраваны ў Беларусі праваабарончы цэнтр "Вясна", агляд кватэры працягваўся тры гадзіны і завяршыўся забраннем усёй тэхнікі — і тых самых БЧБ-сэрцаў. У Маскоўскім РУУС Мінска на пенсіянерку склалі пратакол па артыкуле 24.23 Адміністрацыйнага кодэкса — за несанкцыянаваны пікет.
З першага разу суддзя Лідзія Цяліца не вынес рашэння па справе Наталлі Хоміч, і справу вярнулі на дапрацоўку. На паўторны разгляд матэрыялы атрымаў іншы суддзя — Сяргей Кацар, які 28 чэрвеня прызнаў пенсіянерку вінаватай і пакараў 15-ю суткамі арышту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут