13 вайскоўцаў атруціліся ў Пухавіцкім гарнізоне. Гэтыя звесткі парталу TUT.by пацвердзіла афіцыйная прадстаўніца Мінабароны Наталля Гаўрусік.
Па яе словах, вайскоўцаў шпіталізавалі. "З дыягназам "атручэнне" іх даставілі ў галоўны ваенны клінічны медыцынскі цэнтр Узброеных сіл у Мінску", — удакладніла Гаўрусік.
На цяперашні час жыццю вайскоўцаў нічога не пагражае.
Прычыны атручвання высвятляе камісія Мінабароны. Паведамляецца, што атручванне было не харчовым.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.