З’явілася відэа, як Аляксандр Лукашэнка закрываў мішэні ў біятлоннай гонцы ў Раўбічах. У нядзелю, пасля завяршэння фінальнага этапу рэспубліканскіх спаборніцтваў сярод дзяцей і падлеткаў па біятлоне “Снежны снайпер” (у іх прызёрам стаў Мікалай Лукашэнка), ён выйшаў на лыжню разам з алімпійскімі чэмпіёнкамі Дар’яй Домрачавай, Дынарай Алімбекавай і Ірынай Крыўко. Дарэчы, кіраўнік дзяржавы страляў па мішэнях з спецыяльнага прыстасавання.