З'явілася першае фота адваротнага боку Месяца на фоне Зямлі, ярка асветленай Сонцам. Унікальны здымак зрабіў кітайскі спадарожнік "Лунцзян-2". Цікава, што апублікавала здымак не Кітайскае нацыянальнае касмічнае ўпраўленне, а астраномы-аматары з радыёабсерваторыі Двінгела ў Нідэрландах, інфармуе "Бі-Бі-Сі".
"Лунцзян-2" знаходзіцца на арбіце спадарожніка Зямлі і забяспечвае сувязь з кітайскім апаратам "Чан'е-4", які 3 студзеня ўпершыню ў гісторыі здзейсніў пасадку на адваротным баку Месяца.