Адміністрацыя прэзідэнта ЗША Дональда Трампа плануе санкцыі супраць сямі грамадзян Беларусі, датычных да фальсіфікацыяў на прэзідэнцкіх выбарах. Пра гэта піша Reuters са спасылкай на прадстаўніка Белага дома. Адпаведная праца вядзецца з Мінфінам ЗША для падрыхтоўкі доказнай базы.
"Калі падтасоўваюць выбары і ўжываюць гвалт супраць мірных пратэстоўцаў, якія рэалізуюць фундаментальнае права на свабоду сходу і выказванне меркавання, неабходна існаванне некаторай адказнасці", — дадаў прадстаўнік Адміністрацыі прэзідэнта ЗША.
Акрамя таго, амерыканскія ўлады не выключаюць магчымасць санкцый супраць Расіі, калі тая адкрыта ўмяшаецца ў беларускую сітуацыю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.