Самаробная "страляючая асадка" / Камітэт судэкспертыз
Сёлета ў жніўні жыхарка Рагачова набыла кватэру на другасным рынку жылля. Падчас рамонту яна знайшла падазроны прадмет: за шафай была схаваная металічная трубка, падобная да шарыкавай асадкі незвычайнай формы, паведамляе Дзяржкамітэт судовых экспертыз.
Жанчына паведаміла ў міліцыю пра падазроную знаходку. Прадмет канфіскавалі і адправілі на экспертызу.
Судэксперты выявілі, што гэта "страляючая асадка", вырабленая самаробным спосабам. Яе вызначылі як ручную стралковую гладкаствольную агнястрэльную зброю, прыдатную для стральбы патронамі 5.6х16R (.22 Long Rifle).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут