Жыроўкі незвычайнага выгляду прыйшлі ў гэтым месяцы жыхарам Жлобіна, піша onliner.by. Яны надрукаваныя на адваротным баку эратычнага гараскопа.
Фатаздымкі такой "эратычнай жыроўкі" адзін з гараджан апублікаваў у супольнасці "Тыповы Жлобін" у сацыяльных сетках. "У святле падзей з устаноўкай коштаў на камунальныя паслугі, спяшаюся падзяліцца сваёй жыроўкай! Я так не рагатаў даўно!" — напісаў ён.
Паведамляецца, што на квітанцыях за люты змясцілася толькі частка тэксту без малюнкаў. Не выключана, што на жыроўках за сакавік жлобінцы прачытаюць працяг эратычнага гараскопа.