21 сакавіка суд Кастрычніцкага раёна Віцебска аштрафаваў рэгіянальнага каардынатара аргкамітэта партыі "Беларуская хрысціянская дэмакратыя" Таццяну Севярынец на 1150 рублёў (50 базавых велічыняў). За "марш недармаедаў", які прайшоў у Віцебску 26 лютага, жанчыну абвінавацілі ў парушэнні парадку арганізацыі або правядзення масавых мерапрыемстваў.
У каментары tut.by Таццяна Севярынец паведаміла, што штраф складае амаль чатыры яе пенсіі.
Сёння ж за віцебскі "марш недармаедаў" асудзілі 19-гадовага Кірыла Татарэвіча. Яго аштрафавалі на 690 рублёў (30 базавых велічыняў).