"Вы займаецеся нікому не патрэбнай справай", "не трэба здавацца разумнейшым, чым вы ёсць на самай справе", "да разумнага чалавека вам яшчэ вельмi далёка", "у вашых лістах адлюстраванне чалавека, якi мае ўзровень — дзіцячы сад ясельная группа". Так кіраўніца футбольнага клуба "Граніт" з Мікашэвічаў Марына Быстрая адказвала грамадскаму актывісту Ігару Случаку на просьбы пашырыць у клубе ўжыванне беларускай мовы.
19 ліпеня стала вядома, што на Быструю складзена два адміністрацыйныя пратаколы. На гэты раз — за адказ не па тэме звароту, бо Случак не прасіў вучыць яго жыццю, піша "Наша Ніва".
"У дачыненні да старшыні Савета Лунінецкага раённага грамадскага аб’яднання "Футбольны клуб "Граніт-Мікашэвічы" Марыны Быстрай за парушэнне заканадаўства аб зваротах грамадзянаў i юрыдычных асобаў пачатыя два адміністрацыйныя працэсы па артыкуле 9.13. КаАП Рэспублікі Беларусь, — сказана ў лісце за подпісам кіраўніка справамі Лунінецкага райвыканкама Аляксандра Грамыкі, які атрымаў Ігар Случак. — Дадаткова паведамляем, што ў грамадскае аб’яднанне накіраванае хадайніцтва аб прыцягненні старшыні Савета Лунінецкага раённага грамадскага аб'яднання "Футбольны клуб "Граніт-Мікашэвічы" Марыны Быстрай да дысцыплінарнай адказнасці за дапушчаныя парушэнні патрабаванняў актаў заканадаўства пры працы са зваротамі".
Адказнасць за парушэнне заканадаўства аб зваротах — штраф ад 4 да 10 базавых велічыняў.
Яшчэ адзін адміністрацыйны пратакол на Марыну Быструю быў складзены раней — за тое, што адказала па-руску на беларускамоўны зварот.
Грамадскі актывіст Ігар Случак, ужо некалькі гадоў піша ў розныя беларускія ўстановы з просьбамі пашырыць выкарыстанне беларускай мовы. Рэагуюць на яго звароты вельмі па-рознаму. Але адказы Марыны Быстрай настолькі адрозніваліся ад ін наконт прапановаў беларусізацыі спартовага жыцця. Беларускамоўны адказ дасланы на афіцыйным бланку арганізацыі.