У Мінску 12 студзеня падчас снегападу, які прынёс цыклон “Даніэла”, колькасць дарожна-транспартных здарэнняў павялічылася ўдвая ў параўнанні са звычайным днём. Як паведамляе БЕЛТА са спасылкай на сталічную гарадскую ДАІ, за мінулыя суткі было здзейснена 170 дарожных аварыяў, у якіх пацярпеў адзін чалавек.
У сувязі з неспрыяльным надвор’ем Дзяржаўтаінспекцыя рэкамендуе кіроўцам выбіраць спакойны стыль язды з невысокай хуткасцю, пазбягаць рэзкіх рухаў рулём і педалямі.
Цыклон “Даніэла”, які прынёс на большую частку тэрыторыі краіны моцныя снегапады, адступае на поўнач Расіі. Пры гэтым сіноптыкі прагназуюць, што ўжо з заўтрашняга дня пачнецца новае пахаладанне і на дарогах будзе галалёдзіца.