Школа №142 у Мінску / yandex.ru/maps
Надзвычайная сітуацыя адбылася сёння ў 142-й школе Мінска, размешчанай у мікрараёне Шабаны. Спрацавала пажарная сігналізацыя. З будынка эвакуявалі больш за 528 чалавек, у тым ліку 475 школьнікаў.
Невялікі пажар сапраўды быў — ён пачаўся праз замыканне ў электрашчыце. Сітуацыю выратаваў настаўнік фізкультуры, які патушыў узгаранне з дапамогай парашковага вогнетушыцеля. Ратавальнікі расказалі, што даведаліся пра інцыдэнт праз сістэму перадачы паведамленняў аб надзвычайных сітуацыях "Маланка". Яны таксама ўдакладнілі, што пацярпелых няма.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут