Збожжа / pixabay.com
Град пашкодзіў пасевы па ўсёй краіне, расказалі ў Мінсельгасхарчы.
"Ва ўсіх абласцях адзначаецца пашкоджанне пасеваў. Усяго па рэспубліцы, па папярэдніх дадзеных, пацярпела 16 тысяч гектараў", — кажуць у прэс-службе міністэрства.
Больш за іншых пацярпела Гомельская вобласць — там град пашкодзіў 8,1 тыс. гектараў, на другім месцы — Мінская. Менш за ўсё дасталася Брэсцкай і Віцебскай абласцям.
Моцныя вятры і ўраганы прыйшлі ў Беларусь на змену гарачай спёцы. Стыхія ўдарыла настолькі моцна, што ў некаторых раёнах краіны ўжо суткі няма святла, вады і нават мабільнай сувязі (не кажучы пра вырваныя з коранем дрэвы і пашкоджаныя машыны).
Кліматычны эксперт, магістр навук У. Шумак кажа, што ўраганаў у Беларусі цяпер будзе больш. І гэта звязанае з пацяпленнем. Яшчэ ў 1989 годзе клімат стаў больш капрызным, асабліва ў напрамках руху паветраных мас у летні час.
— Вядома, у Беларусі ніколі не будзе такіх ураганаў, як у Фларыдзе або на Філіпінах, дзе хуткасць ветру дасягала 270 м/с, але моцныя вятры менавіта ў летнія перыяды года будуць назірацца, і колькасць такіх катастрафічных з'яў будзе толькі павялічвацца, — прадказвае эксперт.
Самая пара вывучыць парады Гомельскага АСВОДа. Што рабіць, калі ўраган заспеў вас на адкрытай мясцовасці?
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут