Брытанія прагаласавала за Брэкзіт. 52% насельніцтва выказаліся за выхад з ЕС. Жыхары Шатландыі, Паўночнай Ірландыі, а таксама жыхары буйных гарадоў (Лондана, Кэмбрыджа і Оксфарда) у сваёй большасці прагаласавалі за тое, каб застацца ў Еўрасаюзе. Сярод моладзі да 25 гадоў таксама большасць прагаласавала за ЕС. Людзі старэйшыя за 50 гадоў, наадварот, катэгарычна супраць, каб Вялікабрытанія была ў Еўрапейскім саюзе.
На фоне гэтага абваліліся курсы еўра і фунта. І біржавыя індэксы. Ну а ў сацыяльных сетках людзі кпяць з рашэння, якое сёння прыняла большасць брытанцаў.