У Беларусі вайскоўцам тэрміновай службы больш чым удвая павялічваюць памер грашовага забеспячэння. Новаўвядзенне (пастанова Мінпрацы і сацабароны ад 23 лістапада) пачне дзейнічаць з 1 студзеня 2019 года. Галоўнае фінансава-эканамічнае ўпраўленне Мінабароны падкрэслівае, што яно датычыць толькі салдат і сяржантаў, якія праходзяць тэрміновую вайсковую службу. Іх памер грашовага забеспячэння, у залежнасці ад пасады і класнай кваліфікацыі спецыяліста, складзе ад 29,25 да 62,79 беларускага рубля.