Яшчэ адзін беларус загінуў ва Украіне. Баец беларускага батальёна імя Кастуся Каліноўскага атрымаў смяротнае раненне пры вызваленні ўкраінскай вёскі ад расійскіх войскаў.
Паведамляецца, што Павел "Волат" быў камандзірам атрада. У крытычным стане яго спрабавалі давезці да шпіталя, але не паспелі.
Паплечнікі кажуць, што "Волат" быў паранены шмат разоў, але кожны раз вяртаўся ў шыхт.
Раней паведамлялася, што ў баях за Украіну загінулі байцы батальёна Каліноўскага Ілля Хрэнаў ("Ліцьвін") і Зміцер Апанасовіч ("Тэрор").
У іншых падраздзяленнях, якія ваююць за вызваленне Украіны, загінулі Зміцер Рубашэўскі ("Ганс"), Аляксей Скобля ("Тур"), які пасмяротна ўзнагароджаны зоркай Героя Украіны, і Канстанцін Дзюбайла ("Фенікс").
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут