Ва Украіне ўпершыню прайшлі выпрабаванні амерыканскіх супрацьтанкавых ракетных комплексаў Javelin. На палігоне прысутнічаў асабіста ўкраінскі прэзідэнт Пётр Парашэнка. Ён назваў Javelin эфектыўнай абарончай зброяй, якая можа спатрэбіцца ў выпадку расійскай агрэсіі. Дзякуючы атрыманай з ЗША зброі, узраслі баявыя магчымасці ракетных войск і артылерыі.
Украіна рабіла захады па набыцці Javelin ад пачатку вайсковага канфлікту на Данбасе, але першыя комплексы былі атрыманыя толькі ў красавіку 2018-га. "Нарэшце гэты дзень настаў", — сказаў Парашэнка. Украіне прадалі 37 пускавых установак і 210 супрацьтанкавых ракет на 47 мільёнаў долараў.