Генечанскі мост пасля ўдару УСУ/ @hromadske_ua
Украінскія ўдары па мастах, якія вядуць з Херсонскай вобласці ў Крым, ствараюць спрыяльныя ўмовы для контрнаступлення УСУ, лічаць у амерыканскім Інстытуце вывучэння вайны. Украінцы метадычна спрабуюць адрэзаць расійскую групоўку на поўдні Украіны і парушыць яе лагістыку. Эксперты Інстытута цытуюць аднаго з расійскіх вайсковых блогераў, звязанага з ПВК "Вагнер". Ён успамінае, як расіяне здалі Херсон. Тады таксама ўсё пачалося з удараў "па расійскім тылавым забеспячэнні". На думку расійскага блогера, сітуацыя можа паўтарыцца.
У выніку удараў УСУ ўчора былі выведзеныя з ладу адразу два масты — Чангарский і Генечаскі. У выніку гэтага расіяне былі вымушаныя перанакіраваць аўтамабільны рух з больш кароткіх усходніх маршрутаў на больш доўгія заходнія.
Са слоў кіраўніка акупаваных тэрыторый Херсонскай вобласці Уладзіміра Сальда, ВСУ выпусцілі ў раёне Генечынскага моста 12 ракет, пры гэтым, з ягоных слоў, "9 збіла расійская супрацьпаветраная абарона". На Чангарскім мосце ёсць тры прабоіны, але "апорныя канструкцыі не пашкоджаныя", сцвярджае расійскае агенцтва РІА Навіны.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут