Надзея Старавойтава і Наталля Сівіцкая / @viasna96
Універсітэцкіх выкладчыц за ўдзел у пратэстах асудзілі на "хатнюю хімію". Іх затрымалі ў ліпені і ад таго часу яны былі за кратамі. Праваабаронцы прызналі іх палітзняволенымі, паведамляе Радыё Свабода.
Адна з затрыманых — выкладчыца беларускай мовы, кандыдат філалагічных навук і дацэнт кафедры беларускай і рускай моваў Надзея Старавойтава. Яе справу разглядаў суд Фрунзенскага раёна Мінска. Прысуд — тры гады "хатняй хіміі".
Другая затрыманая — выкладчыца рускай мовы, кандыдат філалагічных навук Наталля Сівіцкая. Яна таксама атрымала тры гады "хатняй хіміі".
У жніўні была затрыманая загадчыца інтэрната БДЭУ Алена Драбудзька. За ўдзел у пратэстах яе асудзілі на 2,5 гады "хатняй хіміі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут