Пішчалаўскі замак / "Позірк"
Музея ў Пішчалаўскім замку не будзе. Пра гэта расказаў старшыня камітэта архітэктуры і горадабудаўніцтва Мінгарвыканкама Віктар Гуцько.
— Так, сапраўды разглядалася такая магчымасць, але ад гэтай ідэі адмовіліся. Размяшчэнне Нацыянальнага гістарычнага музея ў гэтым комплексе не плануецца. Сёння гарадскімі службамі вядзецца праца над тым, каб прыстасаваць гістарычны аб'ект пад іншыя функцыі.
Пра якія менавіта функцыі ідзе гаворка, чыноўнік не ўдакладніў.
Раней у комплексе Пішчалаўскага замка на вуліцы Валадарскага размяшчаўся следчы ізалятар. Цяпер будынкі вызваленыя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут