Беларуска-ўкраінская мяжа / Reuters
Украінскія памежнікі не бачаць перамяшчэння вайсковай тэхнікі або асабістага складу на мяжы з Беларуссю, цытуе спікера ўкраінскай памежнай службы Андрэя Дземчанку выданне "Укрінформ".
Ён адзначыў, што сітуацыя на мяжы з Беларуссю адрозніваецца ад сітуацыі на мяжы з Расіяй. Да прыкладу, выведку на мяжы беларусы не вядуць — у адрозненне ад расіян.
"На мяжы з РФ Расія спрабуе выкарыстоўваць разнастайнае абсталяванне для таго, каб весці выведку, у тым ліку беспілотнікі. А таксама ДРГ, якія даволі часта цяпер выяўляем на Сумскім кірунку", — кажа Дземчанка.
І ўсё ж падраздзяленні памежнікаў умацоўваюць лінію дзяржмяжы з Беларуссю. Гаворка ідзе пра сотні кіламетраў супрацьтранспартных равоў, платы, бліндажы, траншэі і іншых абарончых збудаванні, узведзеныя ўздоўж мяжы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут