Масіраваны налёт ЗСУ на горад і вобласць / Скриншот видео
У ноч на 18 кастрычніка украінскія беспілотнікі масіравана атакавалі Санкт-Пецярбург і Ленінградскую вобласць. Пад удар трапілі Пецярбургскі нафтавы тэрмінал, дата-цэнтр VK і лагістычны цэнтр Ozon, паведамляюць мясцовыя ўлады і ўкраінскія маніторынгавыя каналы.
Пажары ўзніклі ў Неўскім, Краснасельскім, Краснагвардзейскім і Маскоўскім раёнах горада, а таксама на нафтабазе "Ручьи" і прамысловых складах у Калпінскім раёне.
Аб удары па Пецярбургскім нафтавым тэрміналу паведамляюць маніторынгавы канал Exilenova+ і ASTRA. Прапускная здольнасць комплексу складае 12,5 млн тон у год. Кампанія Fire Point удакладніла, што ўдар нанеслі беспілотнікі FP-1.
Прэс-служба "УКантакце" пацвердзіла атаку на дата-цэнтр у Ленінградскай вобласці і зрабіла заяву. Як адзначае ASTRA, карыстальнікі скардзіліся на перабоі ў рабоце сацсеткі і звязаных платформаў.
Праз атакі ўводзілі абмежаванні ў аэрапорце Пулкава і на асобных участках Заходняга хуткаснага дыяметра.
Украіна масава атакавала Санкт-Пецярбург. Пад удары дронаў трапілі нафтавы тэрмінал, мост і дата-цэнтр "ВКонтакте". Паводле мясцовых уладаў, частка жыхароў паўночнай сталіцы Расіі засталася без электрычнасці. https://t.co/oYD9aW4Tfi
— Еўрарадыё (@euroradio) October 18, 2026
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут