Самалёт Belavia / Anna Zvereva
Урад Украіны скасаваў дзеянне пагаднення з урадам Беларусі аб паветраным паведамленні, паведаміў у сваім телеграм-канале прадстаўнік украінскага кабінета міністраў Тарас Мельнічук.
Пагадненне было заключана ў 1995 годзе "з мэтай устанаўлення паветраных зносін паміж Украінай і Рэспублікай Беларусь, а таксама за межамі іх тэрыторый".
Гэта пагадненне дазваляла Беларусі і Украіне здзяйсняць авіяпералёты і пасадкі на тэрыторыях гэтых краін.
Беларускія самалёты не лятаюць над украінскай тэрыторыяй з 2021 года. Праз інцыдэнт з самалётам Ryanair Украіна прыпыніла авіязносіны з Беларуссю з паўночы 26 траўня. Гэты крок у Кіеве патлумачылі тым, што "сітуацыя з прымусовай пасадкай самалёта кампаніі Ryanair у Мінску з'яўляецца парушэннем Канвенцыі аб міжнароднай грамадзянскай авіяцыі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут