Украіна разглядае санкцыі супраць Глеба, Баскава ды іншых беларускіх спартоўцаў

Парламент Украіны рэкамендаваў Савету нацыянальнай бяспекі і абароны накласці санкцыі на 14 прадстаўнікоў беларускага спорту — як спартоўцаў, так і чыноўнікаў. Прычына ў тым, што яны падтрымалі вайну супраць Украіны і рэжым Лукашэнкі, піша tribuna.com.

З прадстаўнікоў Беларусі ў базу патрапілі:

Наталля Цылінская, старшыня Беларускай федэрацыі веласіпеднага спорту;

Анастасія Мірончык-Іванова, лёгкаатлетка;

Аляксей Талай, плывец-паралімпіец;

Максім Недасекаў, лёгкаатлет;

Сяргей Кавальчук, міністр спорту Беларусі;

Аляксандр Баравуля, намеснік міністра спорту Беларусі;

Дзмітрый Баскаў, сябра выканкама НАК Беларусі (непрызнаны Міжнародным алімпійскім камітэтам);

Аляксандр Багдановіч, старшыня Беларускай федэрацыі хакея;

Аляксандр Глеб, былы гулец зборнай Беларусі па футболе;

Уладзімір Канаплёў, старшыня Беларускай федэрацыі гандбола;

Сяргей Рэпкін, рэктар універсітэта фізкультуры;

Сяргей Рутэнка, старшыня Беларускай федэрацыі тэніса;

Алім Сялімаў, старшыня Беларускай федэрацыі барацьбы;

Уладзімір Базанаў, старшыня Беларускай федэрацыі футбола.

У гэты спіс уключаныя не толькі прадстаўнікі Беларусі, але і спартоўцы і спартовыя чыноўнікі з інгшых краін. Агулам у ім 223 чалавекі.

Пасля зацвярджэння санкцый Украіна праз МЗС разашле спіс усім сваім міжнародным партнёрам. Украінскі бок спадзяецца, што фігуранты спісу могуць атрымаць доўгатэрміновую забарону на ўезд у Еўрасаюз, ЗША ды іншыя краіны, а таксама забарону на выступы ў міжнародным спорце.