У ЗША аўтамабіль заляцеў на другі паверх будынка, у якім знаходзіцца стаматалагічная клініка. Здарэнне адбылося ў горадзе Санта-Ана ў Каліфорніі. Як інфармуе сайт latimes.com, аўтамабіль ехаў па вуліцы на высокай хуткасці і ўдарыўся ў адбойнік, пасля чаго яго падкінула ў паветра і ён прабіў сцяну будынка. На шчасце, людзей у пакоі не было.
Двое чалавек, якія былі ў легкавіку, моцна не пацярпелі, іх вызвалілі ратавальнікі. Кіроўца быў у стане наркатычнага ап’янення.