У Віцебску адбылася ўцечка звадкаванага прапану з чыгуначнай цыстэрны

30/11/2021 - 09:31

29 лістапада ў 18:50 ратавальнікі атрымалі паведамленне пра ўцечку звадкаванага прапану з цыстэрны на чыгуначнай станцыі "Віцебск".

Аварыю выявіў станцыйны саставіцель цягнікоў, які звярнуў увагу на шыпенне ў цыстэрне са звадкаваным прапанам.

Ліквідаваць аварыю прыбыла аварыйная група. На месцы інцыдэнту дзяжурылі падраздзяленні хімічнай і радыяцыйнай абароны пажарнага аварыйна-ратавальнага атрада "Віцязь".

Цеча ў цыстэрне ліквідаваная, пры здарэнні ніхто не пацярпеў. Ратавальнікі падкрэсліваюць, што пагрозы забруджвання навакольнага асяроддзя не было.

Аварыя ў цыстэрне са звадкаваным прапанам у Віцебску / mchs.gov.by

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут

Апошнія навіны

Выбар рэдакцыі