Віцебскія ратавальнікі прыехалі ў дом, дзе прасела пліта перакрыцця / vitbichi.by
8 студзеня ў 12:28 віцебскія ратавальнікі выехалі на выклік на праспект Перамогі. Там у шматпавярховым доме прасела пліта перакрыцця.
Прыбыўшы на месца выкліку, супрацоўнікі МНС высветлілі, што ў дзевяціпавярховым доме прасела пліта на першым паверсе. Яе плошча складае 1,5х6 метраў.
На час абследавання будаўнічых канструкцый ратавальнікі эвакуявалі з пад'езда 34 чалавек, у тым ліку чатырох дзяцей. Пацярпелых няма.
Прычына здарэння высвятляецца, на месцы працуе гарадская камісія па надзвычайных сітуацыях.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут